喺「Mind Cafe(賣・咖啡)」入面,隱藏住七粒龍珠,散落喺唔同既咖啡杯入面。店主話只要集齊佐七粒龍珠就可以呼喚神龍,到底神龍會為你做啲咩呢? 

 

喵喵今次就試佐杯冷萃咖啡黎收集第一粒龍珠,呢杯咖啡特別既地方是他帶有水果味,飲起黎唔會太苦澀又帶點清新既感覺,好岩女仔飲~

 

另外呢杯「黎明咖啡」是加佐檸檬入去,飲上來特別開胃提神!

 

仲有呢度啲咖啡名都好神秘,好似「友達以上」、「戀人未滿」、「死亡之眼」⋯⋯到底係咩咖啡來?喵喵就唔開估啦,等你去收集龍珠既時候自己發掘下啦!

 

旁邊都有間同佢地合作的叫「賣丼飯」的外賣店,佢既「謎之丼」一樣好神秘,都係用當日的新鮮食材黎煮,而且會考慮到天氣問題而去決定個菜式,就好似之前有推出過既魚生飯,因為店主考慮到佢地係做外賣店既關係,而且大熱天時魚生拎喺街長時間就會好易變壞,所以喺夏天係唔會出呢個飯,真係好貼心!

 

喵喵今次點的「謎之丼」就係長腳蟹丼,一條條蟹肉又粗又大真係正到要相機食先!

 

最後附上龍珠收集方法:下次飲咖啡時記得用你部手機影底你粒龍珠,當你集齊七粒既時候再SHOW俾佢地睇就得喇!

 

 

Mind Cafe(賣・咖啡)

營業時間:13:00-20:00(星期一公休)

地址:澳門僑樂新街10號地下AB鋪

 

 

編輯的話︰與作者討論過,由於「龍珠」是我們的童年回憶,為了完汁完味地表達卡通所以全文以粵語白話來寫。

 

comments