中國人習俗「年廿八 洗邋遢」,前幾日係青洲滙暉長者中心見到澳門美高梅個CEO, Grant Bowie 同啲公公婆婆抹窗洗廚房,起初我仲以為自己眼花睇錯,仲諗住同呢個山寨Grant Bowie合照返兩張,後來見到一群帶著橙色圍巾既人蜂擁而至,個個都好似係新聞見過仲熟口熟面,今次真係出事喇!!!

 

 

後來問返啲工作人員,原來佢地黎幫明愛既長者中心大掃除,今年已經係第五年,呢次黎左140人清理左200戶,我仲見到有啲公公婆婆認得上年有黎既義工,仲拉住手傾兩句。佢地又帶左啲揮春送比啲長者係打掃完一齊貼咁,都幾有心思。

 

 

平時係電視見Grant Bowie 都係比一大班人圍住問賭收同公司將來點發展呢啲咁沉重既問題,今次見佢渣住支萬潔靈抹上抹落又係有工作以外既另一面,抹到有一戶見到有個好似月琴既樂器,Grant Bowie就囉上手即席表演一下,逗得現場人士好開心。

 

 

comments

Add comment


Security code
Refresh